नमो शेतकरी महासन्मान निधी योजना काय आहे ?

Government schemes: मार्च २०२३ ला सादर झालेल्या २०२३/२४ अर्थसंकलपात महाराष्ट्राचे उपमुख्यमंत्री तथा अर्थमंत्री देवेंद्र फडणवीस यांनी राज्यातील नागरिकांसाठी विविध योजना मांडण्यात आल्या. त्यामधील एक योजना नमो शेतकरी महासन्मान निधी ही योजना जाहीर केली. ही योजना केंद्र सरकारच्या प्रधानमंत्री किसान सन्मान निधी या योजनेच्या धर्तीवर या योजनेच्या बरोबरीने राबविण्यात येणार असून, यामध्ये जसे केंद्र सरकार कडून शेतकऱ्यांना प्रति वर्षी 6000 रुपये मानधन दिले जाते त्याच प्रमाणे राज्य सरकारकडून सुद्धा 6000 रुपये प्रतिवर्षी मानधन दिले जाणार आहे. यामुळे राज्यातील शेतकऱ्यांना प्रतिवर्षी एकूण 12,000 रुपये मिळतील.

नमो शेतकरी महासन्मान निधी योजनेअंतर्गत राज्यातील 1 कोटी 15 लाख शेतकरी कुटुंबांना फायदा होणार आहे. यासाठी २०२३-२४ वर्षांमध्ये ६,९०० कोटी रुपयांचा खर्च प्रस्तावित केला आहे. शेतकऱ्यांच्या बँक खात्यामध्ये प्रधानमंत्री किसान सन्मान निधी अंतर्गत २००० रुपयाचे ३ हफ्ते मिळतात, त्याच सोबत आता अजून २००० रुपयांची वाढ होऊन एकूण ४००० रुपयांचा हफ्ता वर्षातून ३ वेळा बँक खात्यामध्ये जमा होईल.

नमो शेतकरी महासन्मान निधी योजनेची पात्रता काय आहे

१) प्रधानमंत्री किसान सन्मान ( PM Kisan yojana) निधी योजनेमध्ये पात्र असलेले सर्व शेतकरी 

नमो शेतकरी महासन्मान निधी योजनेसाठी पात्र असतील.

२) या योजनेसाठी पात्र शेतकरी महाराष्ट्र राज्यातील रहिवासी असावा.

नमो शेतकरी महासन्मान निधी योजनेसाठी अर्ज कसा करावा

राज्य शासनाकडून नमो शेतकरी महासन्मान निधी योजनेसाठी अर्ज करण्याची कोणतीही प्रक्रिया अजूनपर्यंत सांगण्यात आली नाही. कदाचित किसान सन्मान निधी योजनेमध्ये पात्र असलेल्या शेतकर्यांची माहिती शासनामार्फत घेऊन त्या माहितीच्या आधारे शेतकऱ्यांना निधी वाटप केला जाईल. परंतू अजून निधी वाटपाबाबत कोणतीही आधिकृत माहिती शासनाने जाहीर केली नाही, योजानेबद्दल माहिती प्रसिद्ध झाल्यास माहिती देण्यास येईल.